Enwi, cychwyn, cymhwyso a dehongli

1.—(1) Enw'r Rheoliadau hyn yw Rheoliadau'r Gwasanaeth Iechyd Gwladol (Gwasanaethau Offthalmig Cyffredinol) a (Ffioedd a Thaliadau Optegol) (Diwygio) (Cymru) 2008 a deuant i rym ar 27 Hydref 2008.

(2) Mae'r Rheoliadau hyn yn gymwys o ran Cymru.

(3) Yn y Rheoliadau hyn—

ystyr “Rheoliadau 1986” (“the 1986 Regulations”) yw Rheoliadau'r Gwasanaeth Iechyd Gwladol (Gwasanaethau Offthalmig Cyffredinol) 1986 (2); ac ystyr

“Rheoliadau 1997” (“the 1997 Regulations”) yw Rheoliadau'r Gwasanaeth Iechyd Gwladol (Ffioedd a Thaliadau Optegol) 1997(3).

Diwygiadau i Reoliadau 1986

2.—(1) Diwygir Rheoliadau 1986 yn unol â'r paragraffau a ganlyn o'r rheoliad hwn.

(2) Yn rheoliad 2 (dehongli) mewnosoder y diffiniad canlynol yn y man priodol yn nhrefn yr wyddor—

““income-related employment and support allowance” means an employment and support allowance, entitlement to which is based on section 1(2)(b) of the Welfare Reform Act 2007 (income-related employment and support allowance)(4).”

(3) Yn rheoliad 13(2) (cymhwystra ar gyfer profion llygad))—

(a) hepgorer “or” ar ddiwedd is-baragraff (i); a

(b) ar ôl is-baragraff (n), mewnosoder yr is-baragraffau a ganlyn—

“(o) he is in receipt of income-related employment and support allowance; or

(p) he is a member of the same family as a person in receipt of income-related employment and support allowance.”.

(4) Yn rheoliad 13(3)—

(a) hepgorer “and” ar ddiwedd is-baragraff (b); a

(b) ar ôl is-baragraff (c), mewnosoder y canlynol—

“and

(d) in sub-paragraph (p) “family” has the meaning given to it by regulation 2 of the Employment and Support Allowance Regulations 2008(5).”.

Diwygiadau i Reoliadau 1997

3.—(1) Diwygir Rheoliadau 1997 yn unol â'r paragraffau a ganlyn o'r rheoliad hwn.

(2) Yn rheoliad 1(2) (Enwi, cychwyn a dehongli) mewnosoder y diffiniad canlynol yn y man priodol yn nhrefn yr wyddor—

““income-related employment and support allowance” means an employment and support allowance, entitlement to which is based on section 1(2)(b) of the Welfare Reform Act 2007 (income-related employment and support allowance)(6).”.

(3) Yn rheoliad 8(3) (cymhwyster — cyflenwi teclynnau optegol)—

(a) hepgorer “or” ar ddiwedd is-baragraff (l); a

(b) ar ôl is-baragraff (n), mewnosoder y canlynol—

“(o) he is in receipt of income-related employment and support allowance; or

(p) he is a member of the same family as a person in receipt of income-related employment and support allowance.”.

(4) Yn rheoliad 8(4)—

(a) hepgorer “and” ar ddiwedd is-baragraff (b); a

(b) ar ôl is-baragraff (c), mewnosoder y canlynol—

“and

(d) in sub-paragraph (p) “family” has the meaning given to it in regulation 2 of the Employment and Support Allowance Regulations 2008(7).”.

Nodyn Esboniadol

(Nid yw'r nodyn hwn yn rhan o'r Rheoliadau.)

Mae'r Rheoliadau hyn yn diwygio Rheoliadau'r Gwasanaeth Iechyd Gwladol (Gwasanaethau Offthalmig Cyffredinol) 1986 (“Rheoliadau 1986”) a Rheoliadau'r Gwasanaeth Iechyd Gwladol (Ffioedd a Thaliadau Optegol) 1997 (“Rheoliadau 1997”).

Mae Rheoliadau 1986 yn cynnwys darpariaeth ar gyfer trefnu gwasanaethau offthalmig cyffredinol o dan y Gwasanaeth Iechyd Gwladol.

Mae Rheoliadau 1997 yn darparu ar gyfer cynllun taliadau sydd i'w gwneud gan Fyrddau Iechyd Lleol ac Ymddiriedolaethau'r Gwasanaeth Iechyd Gwladol trwy gyfrwng system dalebau mewn perthynas â chostau a dynnir gan gategorïau penodol o bersonau mewn cysylltiad â phrofion golwg, ac â chyflenwi, ailosod a thrwsio teclynnau optegol.

Mae Rheoliad 2 o'r Rheoliadau hyn yn mewnosod diffiniad newydd yn Rheoliad 2(1) i Reoliadau 1986 (dehongli) ac yn diwygio rheoliad 13 (cymhwystra ar gyfer profion golwg) i ddarparu y bydd person sy'n cael lwfans cyflogi a chefnogi sy'n gysylltiedig ag incwm (neu aelod o deulu'r person hwnnw) yn gymwys i gael prawf golwg y GIG.

Mae Rheoliad 3 yn mewnosod diffiniad newydd yn rheoliad 1 (enwi, cychwyn a dehongli) i Reoliadau 1997 ac yn diwygio rheoliad 8 (cymhwystra — cyflenwi teclynnau optegol) i ddarparu y bydd person sy'n cael lwfans cyflogi a chefnogi sy'n gysylltiedig ag incwm (neu aelod o deulu'r person hwnnw) yn gymwys i gael taleb mewn perthynas â theclyn optegol.