Office of Public Sector Information
Offerynnau Statudol
ADDYSG, CYMRU
Gwnaed
4 Mehefin 2008
1. Enw'r Gorchymyn hwn yw Gorchymyn Deddf Addysg ac Arolygiadau 2006 (Cychwyn Rhif 1 a Darpariaethau Arbed) (Cymru) 2006.
2.—(1) Yn y Gorchymyn hwn—
ystyr “Deddf 1998” (“the 1998 Act”) yw Deddf Safonau a Fframwaith Ysgolion 1998(3); ac
ystyr “Deddf 2006” (“the 2006 Act”) yw Deddf Addysg ac Arolygiadau 2006.
(2) Yn y Gorchymyn hwn, oni nodir fel arall, mae cyfeiriadau at adrannau ac Atodlenni yn gyfeiriadau at adrannau o Ddeddf 2006 ac at Atodlenni iddi.
3.—(1) Daw darpariaethau Deddf 2006 a bennir yn Rhan 1 o'r Atodlen i'r Gorchymyn hwn i rym ar 30 Mehefin 2008 o ran Cymru.
(2) Daw'r darpariaethau a bennir yn Rhan 2 o'r Atodlen i'r Gorchymyn hwn i rym ar 30 Mehefin 2008.
(3) Daw'r darpariaethau a bennir yn Rhan 3 o'r Atodlen i'r Gorchymyn hwn i rym ar 1 Medi 2008 o ran Cymru.
4.—(1) Er bod adran 40 o Ddeddf 2006 a'r diwygiadau y mae'r adran honno yn ei wneud i adran 84 o Ddeddf 1998 wedi dod i rym, mae Cod Ymarfer Derbyniadau i Ysgolion(4) ac adran 84 o Ddeddf 1998 fel y'i deddfwyd yn wreiddiol mewn perthynas â'r Cod hwnnw i barhau mewn grym tan y dyddiad a benodir gan Weinidogion Cymru i ddwyn i rym god ar gyfer derbyniadau i ysgolion i ddisodli'r Cod hwnnw.
(2) Er bod adran 40 o Ddeddf 2006 a'r diwygiadau y mae'r adran honno yn ei wneud i adran 84 o Ddeddf 1998 wedi dod i rym, mae Cod Ymarfer Apelau Derbyniadau i Ysgolion (5) ac adran 84 o Ddeddf 1998 fel y'i deddfwyd yn wreiddiol mewn perthynas â'r Cod hwnnw i barhau mewn grym —
(a) tan y dyddiad a benodir gan Weinidogion Cymru i ddwyn i rym god ar gyfer apelau derbyniadau i ysgolion i ddisodli'r Cod hwnnw, a
(b) o ran unrhyw apêl a wnaed o dan adran 94 o Ddeddf 1998 lle y mae hysbysiad o apêl wedi cael ei roi cyn y dyddiad a benodir gan Weinidogion Cymru i ddwyn i rym god ar gyfer apelau derbyniadau i ysgolion i ddisodli'r Cod hwnnw.
Jane Hutt
Y Gweinidog dros Blant, Addysg, Dysgu Gydol Oes a Sgiliau, un o Weinidogion Cymru
4 Mehefin 2008
Erthygl 3
| Y Ddarpariaeth | Y Pwnc |
|---|---|
| Adran 1 | Dyletswyddau o ran safonau uchel a chyflawni potensial |
| Adran 37(1) a (2)(1)(a) | Staff mewn ysgolion sefydledig neu ysgolion gwirfoddol gyda chymeriad crefyddol |
| Adran 39 | Cyfyngiad cyffredinol ar ddethol ar sail gallu |
| Adran 43 | Dyletswydd corff llywodraethu i weithredu penderfyniadau ynghylch derbyniadau |
| Adran 44 | Gwahardd cyfweliadau |
| Adran 45 | Trefniadau derbyn ar gyfer ysgolion gyda chymeriad crefyddol; ymgynghori a gwrthwynebiadau |
| Adran 47 | Gwrthwynebiadau i drefniadau derbyn |
| Adran 53 | Ysgolion gyda threfniadau cyn 1998 ar gyfer dethol ar sail gallu neu ddawn |
| Adran 166 | Trefniadau cydweithredu:—
|
| Adran 184 i'r graddau y mae'n ymwneud â darpariaethau Atodlen 18 isod | Diddymu |
Yn Atodlen 18, yn Rhan 6 diddymu—
|
Diddymu |
| Y Ddarpariaeth | Y Pwnc |
|---|---|
| Adran 156 | Tynnu ymaith ddyletswydd Arolygiaeth Gweinyddu Llysoedd Ei Mawrhydi i arolygu perfformiad o swyddogaethau Gweinidogion Cymru ynghylch achosion teulu |
| Adran 175 | Diwygiadau amrywiol yn ymwneud â Chymru |
| Adran 184 i'r graddau y mae'n ymwneud â darpariaethau Atodlen 18 isod | Diddymu |
| Atodlen 17 | Diwygiadau amrywiol yn ymwneud â Chymru |
Yn Atodlen 18, yn Rhan 5 diddymu—
|
Diddymu |
Yn rhinwedd paragraff 30 o Atodlen 11 i Ddeddf Llywodraeth Cymru 2006 (p.32). Back [2]
Daeth y Cod Ymarfer Derbyniadau i Ysgolion i rym ar 1 Ebrill 1999, isbn – 07504 23331. Back [4]
Daeth y Cod Ymarfer Apelau Derbyniadau i Ysgolion i rym ar 1 Medi 1999, isbn – 07504 23528. Back [5]
